MS með nýja vörur án viðbætts sykurs

<span>Mjólkursamsalan hefur lengi hlotið bágt fyrir hversu mikinn sykur margar af vörum fyrirtækisins innihalda. Sem dæmi má nefna að i litlu bláberjaskyri eru tæplega sjö sykurmolar samkvæmt sykurmagn.is</span> <span>MS kynnti fyrir helgi nýjar vörur í viðleitni sinni við að bjóða upp á sykurminni vörur. <br/>Léttmál kallast þessi nýja og hollari lína frá fyrirtækinu, en fyrstu tvær vörurnar sem koma á markað eru annars vegar Grísk jógúrt með döðlum, möndlum og fræjum og hins vegar Kotasæla með berjum og möndlum. Báðar vörunýjungarnar eru hreinar í grunninn án hvíts sykurs og sætuefna. Toppurinn sem fylgir með í boxunum er einnig án sykurs og sætuefna. Þetta verður að teljast jákvæð þróun en nú verður áhugavert að sjá hvernig neytendur taka í þessa viðbót.</span> <span>MS hefur áður reynt að koma með hollari vörur á markað og þá sérstaklega miðað að því að minnka sykurmagn í vörum miðuðum að börnum. Skólajógúrtin var tekin í gegn árið 2014, en þá var sykurinn tekinn niður um 30%<span> í bragðbættu tegundunum auk þess sem kynnt var ný hrein tegund. Viðtökurnar voru ekki góðar og salan slök. Fyrir nokkrum árum var svo kynnt til leiks Krakkaskyr </span></span>

með minni sykri og meiri ávöxtum, en sú vara gekk ekki heldur. Enn áður var það Jógúrtsopinn sem stílaður var á krakka og var með minni sykri.

Nú verður því spennandi að sjá hvort nýju vörurnar ná ekki betri kjölfestu, en Íslendingar virðast almennt mun meðvitaðri um að draga úr sykurneyslu.