Hoppin’ John

Undirbúningstími: 10 mínútur

Eldunartími: 50 mínútur
Fyrir 4 – eða 6 sem forréttur

Innihald:

150 g beikon (eða grísahækill)
2 msk. olía
1 sellerí  - smátt skorið
1 lítill laukur – smátt skorinn
1 lítil græn paprika – smátt skorin
2 hvítlauksgeirar – saxaðir
2 bollar svartbaunir, óeldaðar, látnar liggja í vatni áður skv. leiðbeiningum á pakka
1 eikarlauf (bayleaf)
2 tsk. þurrkað timijan
1 vel full msk. af Cajun seasoning
salt
2 bollar hrísgrjón (long grain)
vorlaukur eða skarlottlaukur til að skreyta með

Aðferð

Beikonið er skorið niður í litla bita og hægeldað í miðlungsstórum potti á miðlungshita.
Þegar kjötið er orðið steikt er selleríinu, lauknum og paprikunni bætt við. Látið malla í 4-5 mínútur og bætið þá við hvítlauknum og hrærið vel. Látið malla í aðrar 1-2 mínútur. Bætið þá við baununum, eikarlaufinu og kryddinu ásamt 4 bollum af vatni og setjið lok á pottinn. Látið malla í 30 mínútur eða lengur ef þarf. Baunirnar eiga að verða mjúkar en ekki maukaðar.

Á meðan baunirnar malla eru hrísgrjónin soðin í sérpotti samkvæmt leiðbeiningum á pakkanum.

Þegar baunirnar eru eldaðar í gegn er umfram vatninu helt af og eikarlaufinu hent. Smakkið til með salti.

Berið réttinn fram ofan á hrísgrjónunum eða hrærið þeim saman við. Skreytið með smátt söxuðum vorlauk eða skarlottlauk.  Berið fram með grænkáli, rauðrófum eða  næpum.

Ábendingar frá Bonnie sendiherrafrú:

• Besta útkoman næst með því að vera með jafnt hlutfall hrísgrjóna og baunablöndunnar.
  
  
• Ekki salta fyrr en í lokin.

• Það á að vera vel af grænmeti í réttinum svo það má bæta við eftir smekk.

• Það gefur mjög gott bragð að bæta örlitlu beikoni við hrísigrjónin á meðan þau sjóða eða örlítilli Frank's hot eða Tabasco.

• Það er vinsælt að vera með aukabeikon, steikt þar til það er stökkt, til að toppa réttinn.

• Best er að bera réttinn fram með steiktu grænu káli á borð við grænkál og góðu maísbrauði.