Vegan-súkkulaðibitakökur
Setja bókamerki
Tengdar fréttir
Uppskriftir
Veganistur fara hamförum í jólabakstri! Nú eru það vegan-súkkulaðibitasmákökur.
„Smákökur eru stór hluti af jólunum hjá öllum Íslendingum. Á öllum heimilum eru bakaðar smákökur fyrir jólin og allir eiga sína uppáhaldssort. Við bökuðum alltaf fullt af jólasmákökum heima þegar ég var yngri. Prófuðum alls konar uppskriftir, góðar og ekki jafngóðar. Þó voru súkkulaðibitakökur alltaf uppáhald allra.
Súkkulaðibitakökur eru virkilega einfaldar í bakstri og alltaf jafnvinsælar hjá stórum sem smáum. Að gera vegan-útgáfu af þessum gömlu góðu kökum var alls ekki erfitt. Ef eitthvað er þá er vegan-uppskriftin auðveldari en sú upprunalega.
Nú þegar fyrsti í aðventu er liðinn getur fólk með góðri samvisku farið á fullt í bakstur og borðað allt það góðgæti sem hugurinn girnist. Það er alla vega það sem ég geri á aðventunni, á sama tíma og ég plana alla þá hollustu sem ég ætla að demba mér í, í janúar...“
Hráefni:
- 250 g vegan smjör (Krónu-smjörlíkið er alltaf gott en svo fæst smjör í Hagkaup frá merkinu Earth balance
- 1 dl sykur
- 1 dl púðursykur
- 1/2 dl plöntumjólk
- 1 tsk. vanilludropar
- 4 1/2 dl hveiti
- 1 tsk. matarsódi
- örlítið salt
- 150 g suðusúkkulaði
Aðferð:
- Þeytið saman smjörið og sykurinn í smá tíma, bætið síðan mjólkinni út í og vannilludropunum og þeytið örlítið lengur.
- Blandið saman öllum þurrefnunum í skál og hrærið síðan saman við smjörið og sykurinn.
- Síðast er súkkulaðið saxað og því blandað saman við deigið.
- Rúllið litlar kúlur úr deiginu og bakið í 7-9 mínútur við 180°C. Leyfið kökunum að kólna í nokkrar mínútur á plötunni áður en þær eru teknar af henni svo súkkulaðið verði ekki eftir.
Njótið vel
-Júlía Sif
Tengdar fréttir
Uppskriftir
Tóku upp hanskann fyrir leikskólabörn
Verðbólgan komin niður í 6%
„Okkur miðar í rétta átt“
Tveir í bílnum sem lenti utan vegar
Handtekin eftir að tvö börn fundust látin
Vélsleðaslys: Þyrlan kölluð út á mesta forgangi
Skiptir miklu meira máli en fólk grunar
„Skýr skilaboð til Seðlabankans“