Sigríður Eyrún Friðriksdóttir söngkona er unnandi jólalegra kósýstunda. Hún ætlar einmitt að fanga þá stemmningu á jólatónleikum sem hún verður með 17. desember í Þjóðleikhúskjallaranum. Sigga hristir hér í frískandi jólakokteil sem tilvalið er að bjóða upp á í jólahittingi í vinahópnum. Til dæmis ef hittast á í drykk fyrir góða jólatónleika! 

Hvað er „kósý“ í matarlegum skilningi fyrir þér?
Kósý er matur sem er heimagerður. Og þeir sem maður elskar mest eru með manni þegar maður borðar matinn. Það er verulega kósý og gott fyrir hjartað. 

Maturinn sem er „jólin“ fyrir mér var einu sinni alltaf hamborgarhryggur, ég á mjög vanafasta bræður sem hefðu gengið út ef eitthvað annað hefði verið á boðstólum hjá foreldrum mínum. Hins vegar hef ég upplifað jólin í öðrum löndum og heimilum á fullorðinsárunum og hef komist að þeirri niðurstöðu að það er meira meðlætið eða desertinn en aðalrétturinn. Það þarf að vera waldorffsalat og einhver geggjuð brún sósa og það verður eiginlega að vera ís og súkkulaði í desert.  Það er ekki erfitt að þóknast mér við matarborðið.

Já ég syng við flestar athafnir. Mér finnst ómissandi að hafa útvarp í eldhúsinu og stundum nýti ég tímann á meðan ég elda í að læra texta eða máta ný lög. 

Fram undan er að klára sýningar á Improv Ísland sem er á leið í jólafrí (komum aftur í janúar) en ég fer ekki úr Þjóðleikhúskjallaranum því ég verð með afskaplega kósý jólatónleika þar þann 17.desember. Fram að því er ég að syngja og skemmta á jólahlaðborðum út um allan bæ og kenna. 

„Að lokum vil ég bara segja: Njótið hátíðarinnar og notum hana til að staldra við og njóta þess að vera með þeim sem við elskum. Ekki til að tapa okkur í stressi. Jólin koma alltaf samt.“