Það er alltaf jafn gaman að fá lítið listaverk í kaffibollan sinn á kaffihúsum. Hvort sem það er hjarta, andlit eða sól þá gerir það kaffihúsaheimsóknina mun persónulegri.
Hvað fyndist þér um ef þú gætir látið prenta í froðuna þína nánast hvað sem er? Til dæmis sjálfsmynd?
The Ripple Maker er prentvél sem prentar mynd úr kaffi ofan á mjólkurfroðuna í kaffibollanum þínum. Vélin notar þrívíddartækni til að prenta myndir úr kaffinu en með smáforriti (appi) geta notendur hlaðið inn myndum til að senda á prentarann. Afraksturinn er vægast sagt hárnákvæmur en vissulega mun minna persónulegur en þegar kaffibarþjónn gerir listaverkið sjálfur.
Sem stendur er prentarinn eingöngu fáanlegur í Bandaríkjunum og Kanada en það verður spennandi að sjá hvort íslensk kaffihús munu taka upp þívíddarprentun á kaffi.
Smelltu hér til að sjá Instagram reikning Ripples og ótrúlegar kaffimyndir.