„Margir eiga minningar tengdar niðursoðnum perum úr dós, einu sinni þóttu manni þær stórfínar og eftirsóknarverðar. Jú perutertan góða stendur alltaf fyrir sínu. Þessar perur eru ferskar og soðnar í freyðivíni. Þær gjörsamlega bráðna í munni og leika við alla bragðlauka. Einfaldur eftirréttur sem öllum mun líka - klárlega áramótaeftirrétturinn í ár,“ segir Albert Eiríksson kátur í bragði og komin á fullt í að undirbúa áramótin.
Albert er í miklu stuði og töfrar fram áramótaeftirrétti eins og ekkert sé.
Styrmir Kári
Perur soðnar í freyðivíni
5-7 ferskar perur
1 flaska freyðivín (ég notaði Jacob´s Creek)
1/2 bolli sykur
1 msk hunang
1 tsk kanill
1 tsk kardimommur
1/2 tsk salt
Afhýðið perurnar og setjið í pott. Bætið fyrir freyðivíni, sykri, hunangi, kanil, kardimommum og salti. Ef ekki flýtur yfir perurnar bætið þá við vatni.
Sjóðið í 25-30 mín.
Takið perurnar uppúr. Sjóðið safann niður þannig að um bolli verði eftir í pottinum.
Hellið sósunni á disk, setjið peruna ofan á og berið fram með þeyttum rjóma.