Þetta gamla góða ráð nota ég alltaf til að þrífa örbylgjuofninn. Öbbinn eins og ég kalla hann er kannski ekki í mikilli notkun en hann þarf vissulega að þrífa reglulega. Engin kemísk efni bara vatn og sítróna – sem er einnig mjög hreinsandi fyrir kroppinn sé það drukkið – þ.e.a.s. soðið vatn með sítrónu! Ég myndi þó ekki nota sama vatnið og ég nota til að þrífa örbylgjuofninn heldur sjóða það í potti eða hraðsuðukatli.
- Skerið sítrónu í báta, kreistið ofan í skál eða könnu og látið bátana með. Því næst fer ílátið í miðjan ofninn.
- Stillið örbylgjuofninn á 5 mínútur og látið ganga uns vatnið fer að sjóða.
- Stoppið ofninn en ekki opna. Látið gufuna vinna í um 5 mín.
- Fjarlægið diskinn úr örbylgjuofninum og þrífið hann sér.
- Nú er ofninn blautur að innan og það er því auðvelt að strjúka innan úr honum og flest óhreinindi eiga að renna af.
- Ef einhverjir blettir eru erfiðir má vel nota matarsóda til að nudda á burt en varist að ef flöturinn er glansandi getur matarsódinn gert hann mattan.
Ilmandi hreinn örbylgjuofn án mikillar fyrirhafnar.
Sítrónusafi vinnur bug á vondri lykt og því er sniðugt að nota hann við þrif.
www.thekitchn.com