RED VELVET-PÖNNUKÖKUR

2 bollar Red Velvet-kökumix 
3 msk. smjör 
1 egg
1 bolli mjólk
Olía til steikingar 

Rjómaostakrem 
6 msk. rjómaostur
4 msk. flórsykur
4 msk. rjómi
1/4 tsk. vanila

Hrærið saman kökuduftinu, smjörinu, egginu og mjólkinni þar til blandan verður að kekkjalausu deigi.

Hitið pönnu á háum hita og setjið olíu á pönnuna og lækkið niður í miðlungshita svo pönnukökurnar verði ekki of dökkar.

Ausið deigi á pönnuna sem dugar í eina væna pönnuköku og steikið uns loftbólur fara að myndast í miðju pönnukökunnar eða eftir um 2-3 mínútur.

Snúið þá kökunni við og steikið áfram í 1-2 mínútur. Takið þá kynþokkafullu pönnukökuna af pönnunni og steikið næstu.

Setjið álpappír yfir kökurnar til að halda þeim heitum.

Hrærið allt innihaldið í kremið saman með handþeytara uns blandan er hefur fengið fallega kekkjalausa áferð.

Hellið kreminu yfir pönnukökustaflann og berið fram ... það kemur reyndar ekki fram í hvernig klæðnaði en væntanlega er satín-náttsloppur málið!