Tobba Marinósdóttir -
„Fólk vill meira grænmeti og ávexti og minna kruðerí. Það er matselja okkar sem hefur útbúið þennan drykk. Þetta er ekki nýtt en kannski meira áberandi á þessari mynd en áður,“ segir Sigurður Már Jónsson upplýsingafulltrúi Forsætisráðaneytisins og vísar í myndir sem ljósmyndari Morgunblaðsins tók á fyrsta fundi Ríkistjórnarinnar í morgun. Á boðstólnum voru bláber, grænmeti og grænn ofurdrykkur sem vakti mikla athygli lesenda.
Drykkurinn er mjög vinsæll meðal starfsfólks ráðuneytisins en það er matseljan þar á bæ Margrét Sigurbjörnsdóttir sem deilir hér góðfúslega leyniuppskriftinni.
Leynibomba Forsætisráðuneytisins
Spínat - (mikið af því)
2 cm engifer
1/2 bolli sellerí
1/2 bolli bláber
1/2 bolli jarðaber
1 epli
1/2 bolli mangó
1 bolli kókosvatn
1 bolli mangó-kókosvatn
Klaki
Hrært vel í góðum blandara
- Afskaplega hressandi og kröftugur drykkur inn í daginn!