Anna Eiríksdóttir leikfimikennari hjá Hreyfingu kennir hin vinsælu námskeið Eðalþjálfun en uppselt er á hvert einasta námskeið ár eftir ár. Anna er ekki bara eðalkroppur sjálf heldur er hún ákaflega sjarmerandi og skemmtileg. Það finnst lesendum matarvefjarins líka en uppskriftin að morgunverði Önnu er ein sú mest lesna þessa vikuna. Því birtum við hér hádegisverð Önnu sem er hollur, einfaldur og bragðgóður. Með fylgir uppskrift að laufléttri Acai-skál sem hentar sem morgunmatur, millimál eða eftirréttur!
Fyrir áhugasama má fylgjast með Önnu Eiríks á Instagram hér.
1 poki frosið Acai-berjamauk (fæst t.d. í Kosti)
1 vel þroskaður banani
Þetta sett saman í blandara ásamt smá vatni og út kemur þykkt mauk.
Fersk ber og smá kókosmjöl sett á toppinn en auðvitað hægt er að leika sér með alls konar útfærslur!
Tortilla með pestó og grænmeti
Pestó
2 1/2 dl extra virgin-ólífuolía
1 lítill poki spínat
1 búnt fersk basilíka
1 rif hvítlaukur, má nota meira
Gott jurtasalt, t.d. Herbamare
Allt sett í blandara eða matvinnsluvél og maukað vel saman, kryddað aðeins með jurtasalti.
Álegg
Rifinn mozzarella-ostur
Grænmeti að eigin vali
Pestóið fer á tortillakökuna og rifinn mozzarella-ostur ofan á.
Kakan fer inn í ofn þar til osturinn er bráðnaður.
Því næst er hún tekin út og það grænmeti sem varð fyrir valinu fer ofan á.
Frábært sem léttur kvöldverður eða hádegisverður, gott er að marinera kjúkling í pestóinu, steikja á pönnu og setja ofan á kökuna til að bæta við góðu próteini og gera réttinn enn matarmeiri.