Fyrir 8

1 pakki Graham-kexkökur, (nóg til að mylja í 1½ bolla)
1/₃ bolli sykur
6 msk. ósaltað smjör, við stofuhita
1½ bolli rjómi
¾ bolli sykur
1½ avókadó (taka steininn úr)
170 g rjómaostur
½ bolli ferskur límónusafi
smá salt

Setjið kexið í matvinnsluvél þar til það er fínmulið og nóg í 1½ bolla. Bætið út í 1/3 bolla af sykri og 6 msk. af smjöri og hrærið vel.

Þrýstið mixtúrunni í kringlótt form og setjið til hliðar. Hitið 1½ bolla af rjóma í potti þar til hann er heitur en ekki láta suðuna koma upp. Bætið út í ¾ bolla af sykri og hrærið þar til sykurinn leysist upp. Takið af hitanum og látið kólna.

Hreinsið matvinnsluskálina og setjið í hana kjötið úr 1½ avókadó og 170 g af rjómaostinum.

Hrærið saman og bætið svo út í ½ bolla af ferskum límónusafa og smá salti. Hrærið þar til það er mjúkt. Bætið þá út í rjómanum sem náð hefur að kólna og hrærið áfram. Hellið blöndunni yfir kexbotninn og sléttið. Setjið í frysti í nokkra klukkutíma eða yfir nótt. Látið kökuna þiðna örlítið áður en hún er borin fram. Hægt er að skreyta kökuna með rifnum berki af límónu og smá þeyttum rjóma.