Smoothi-ar eru sívinsælir enda sniðugt morgun- eða millimál sem flestir kunna að meta. Afbrigðin eru ótalmörg og í raun er allt leyfilegt þegar kemur að samsetningu. Það er þó aldrei verra að styðjast við góða uppskrift og þessi er algjört æði. Hún er í senn einföld (eins og góðri smoothie-uppskrift ber að vera), bragðgóð og mjólkurlaus.

Innihald:

• 110 g frosin brómber (það má vel nota önnur ber t.d. hindber eða bláber)
• 250 ml. möndlumjólk
• 3 msk. hnetusmjör
• 10 möndlur

Aðferð:

1. Setjið brómberin, möndlumjólkina og hnetusmjörið í matvinnsluvél og maukið vel.
2. Saxið möndlurnar fínt.
3. Hellið í glas eða krukku og stráið möndlunum yfir og skreytið með brómberjum eða hindberjum.

Ljósmynd/HappyFoodsTube

Heimild: HappyFoodsTube

Tengdar fréttir

Uppskriftir

10 bestu hamborgararnir í tilefni sumardagsins fyrsta

• Sigurkokteilarnir geta orðið sumarsmellirnir í ár
• Af hverju að búa til granóla?
• Bragðmikill og ljúffengur fiskréttur með pestó og bræddum osti
• Ferskt og brakandi sumar-tacos með sumarsalsa

» Fleiri tengdar fréttir

• Blogga um frétt