Magnaðar morgunvöfflur Katrínar
Setja bókamerki
Katrín Björk Sævarsdóttir heldur úti hinni gullfallegu og girnilegu síðu Modern Wifestyle. Katrín er þekkt víða um heim fyrir stórkostlegar matarmyndir, uppskriftir og stíliseringu en hún starfar meðal annars fyrir hin heimsfrægu og afar húslegu Mörthu Stewart.
Þessar vöfflur eru nýjasta eldhúsafrek Katrínar en þær eru fullkominn morgunverður þegar gera á vel við fjölskylduna – nú eða bara sjálfan sig!
Uppskriftin gerir um það bil 8 vöfflur. Katrín mælir með að borða þær með avókadó, einföldu salati og eggi en auðvitað er hægt að setja hvað sem er á þessar elskur en deigið sjálft inniheldur bæði ost og beikon svo þær eru bragðmiklar og saðsamar.
Djús uppskriftir frá Katrínu sem henta vel með vöfflunum.
2 bollar hveiti
2 tsk. matarsódi
1 tsk. oregano
½ tsk. salt
½ tsk. pipar
3 egg
4 dl AB-mjólk
2 msk. kókosolía, fljótandi
2,5 dl rifinn ostur
200 g beikon, steikt og saxað
3 skarlottlaukar, smátt saxaðir
Aðferð
Steikið beikonið á pönnu eða í ofni þar til það verður stökkt.
Blandið vandlega saman hveiti, matarsóda, oregano, salti og pipar.
Hrærið í annarri skál saman eggjum, AB-mjólkinni og bræddri kókosolíu.
Blandið þurrefnunum út í blautefnin og blandið vel saman. Bætið söxuðu beikoni, skarlottlauk og osti út í.
Hitið á vöfflujárni og bakið hverja vöfflu þar til hún fer að gyllast.
Tveir í bílnum sem lenti utan vegar
Árshátíð ríkislögreglustjóra haldin í Tékklandi
Tóku upp hanskann fyrir leikskólabörn
Hernaðaraðstoð samþykkt – Vopnasendingar í vikunni
Skemmtiferðaskip hætt komið nærri Viðey
Vélsleðaslys: Þyrlan kölluð út á mesta forgangi