Matur | Sunnudagsblað | 6.2.2017 | 6:30

Bakaður hafragrautur með banönum og jarðarberjum

Próteinríkir hafrar eru staðgóður morgunverður.

Þessi uppskrift er kannski ekki neitt sérstaklega holl en girnileg er hún. Það mætti vel bjóða upp á þennan ofnbakaða hafragraut sem morgunmat um helgar þegar gera á vel við sig eða hreinlega sleppa sykrinum og setja þurrkaða ávexti sem sætu og borða réttinn sem hollan morgunverð, sem millimál eða hádegisverð.

Fyrir 8

2 bollar haframjöl
1/3 bolli púðursykur
1 tsk. lyftiduft
1 tsk. kanill
½ tsk. salt
½ bolli suðusúkkulaðispænir (má sleppa)
1 bolli jarðarber, skorin í þunnar sneiðar
1 vel þroskaður banani, skorinn í þunnar sneiðar
2 bollar mjólk
1 stórt egg
1 msk. smjör
1 tsk. vanilludropar

Hitið ofninn í 190 °C og smyrjið eldfast mót vel.

Blandið saman í stóra skál höfrum, púðursykri, lyftiduft, kanil, salti og helmingnum af súkkulaðispæninum ásamt helmingnum af jarðarberjunum.

Hrærið vel saman og hellið blöndunni út í eldfasta mótið. Stráið afganginum af súkkulaðispæninum yfir og raðið því sem eftir er af jarðarberjunum yfir. Skerið niður þunnar bananasneiðar og setjið ofan á.

Blandið saman í aðra skál eggjum, mjólk, smjöri og vanilludropum. Hrærið vel saman og hellið jafnt yfir haframjölsblönduna og passið að það blotni alls staðar í gegn. Bakið í um 30 mínútur, takið þá mótið út og stráið msk. af púðursykri yfir, setjið aftur inn í ofn og bakið áfram í 5-10 mínútur eða þar til rétturinn er fallega gylltur.

Gott er að bera þetta fram með grískri jógúrt eða þeyttum alvöru rjóma ef fólk vill gera sérlega vel við sig.