Margir kannast við eldhúsvöruverslunina Williams Sonoma en eflaust hafa einhverjir komið þaðan út með fulla poka og súkkulaði út á kinn. Þar fæst allt milli himins og jarðar og einhvern veginn hefur versluninni tekist að safna saman öllum fallegustu gourmet-hlutum heims á einn stað í bland við skemmtileg tæki og tól. Reykbyssan góða hefur til dæmis fengist þar um hríð en er nú loks fáanleg hérlendis. Byssan er notuð til þess að reykja mat og fá þannig skemmtilegan keim á nánast hvaða matvæli sem er. Það má jafnvel reykja ís! Sniðug gjöf handa matarunnendum – enda styttist í bæði valentínusar- og konudaginn.
Byssan er einfaldlega hlaðin með viðarkolum með því bragði sem þér þóknast eða nánast hverju sem er. Það má jafnvel setja krydd í byssuna. Til dæmis mætti útbúa Apple-wood-ost heima fyrir með því að reykja hefðbundinn ost eða reykja krydd eða sjávarsalt sem tækifærisgjafir. Það má líka fá grill-bragð á nánast hvað sem er með byssunni. Algjör snilld. Byssan góða fæst hjá Progastro og kostar 16.990 kr.