Valentínusargjöf Star Wars-fíkilsins

Við virðumst hafa sérlegt dálæti á Star Wars-tengdum eldhúsvörum og við játum það fúslega. Það er nefnilega frekar sniðugt að fá útrás fyrir áhugamálið í eldhúsinu og við minnum í því samhengi á fleiri Star Wars-vörur sem við höfum samviskusamlega sagt ykkur frá.

Þessi kaffikanna er pressukanna í R2-D2-líki. Við sjáum fyrir okkur að kannan myndi sóma sér vel á hvaða huggulega morgunverðarborði sem er því hún er bara alls ekki ljót.

Kannan kostar tæpar 5 þúsund krónur og er uppseld sem stendur en væntanleg. Ef þú elskar Star Wars-fíkil er því sniðugt að panta könnuna hressu og gefa viðkomandi mynd af henni á Valentínusardaginn sem er á þriðjudaginn með loforði um að gripurinn góði sé væntanlegur á heimilið.

Hægt er að panta könnuna hér.