Það er fátt leiðinlegra en subbulegt eldhús en eitt lykilatriði í hönnun góðs eldhúss er að það sé auðvelt að þrífa það. Mjög vinsælt er að flísaleggja milli borðplötu og efri skápa en mörgum þykir leiðinlegt að þrífa flísarnar og þá ekki síst fúguna. Þetta á oft sérstaklega við um svæðið á bak við eldavélina þar sem oft slettist mikið af fitu sem getur verið afburðaleiðinlegt að þrífa.
Til er lausn á þessum vanda sem er í senn ódýr og sniðug og það er að nota glerplötu hvort sem hún er úr plexígleri eða hefðbundnu.
Glerið er þá oftar en ekki málað öðru megin til að framkalla falleg litbrigði eða sett yfir litaðan vegg eða jafnvel veggfóður. Glerið er síðan auðvelt að þrífa og heimilisbókhaldið fer ekki á hliðina við að kaupa það.
Auðvelt er að panta gler eftir máli en mikilvægt er að það sé ekki of þunnt þannig að það þoli smá hnjask sem oft vill verða í eldhúsum enda mikið um að vera.
Hér má sjá nokkur sýnishorn af vel heppnuðum gleruppsetningum: