Nigella og Svavar Örn frysta léttvín

Hárgreiðslumeistarinn og gleðigaukurinn Svavar Örn Svavarsson elskar góðan mat og góð ráð. Í morgunþættinum Svali og Svavar á útvarpsstöðinni K100 fóru þeir félagar yfir nokkur góð húsráð. Þar deildi Svavar Örn einu af sínum uppáhaldshúsráðum en það er fengið frá gúrmet-drottningunni Nigellu Lawson. „Hún frystir afgangs léttvín í klakapokum til að setja út í sósur og matargerð. Hún gengur jafnvel svo langt að hella úr glösum sem ekki klárast enda sóar hún engu,“ sagði Svavar Örn í morgun sem segist þó ekki ganga svo langt en hann hefur lengi vel fryst afganga af léttvíni í umræddum tilgangi. „Það minnir mig á að mig vantar klakapoka,“ sagði Svavar sem er með ráð undir rifi hverju enda með eindæmum úrræðagóður og skemmtilegur maður.

Nigella er sjóðheit og nánast ómögulegt að skilja að hún sé 57 ára. Skjáskot pintrest.com/mbl.is

• Blogga um frétt