Nú býðst eldhúsáhugafólki það einstaka tækifæri að fjárfesta í eldhúsi eins frægasta sjónvarpskokks Bandaríkjanna – sjálfrar Inu Garten.
Fyrir þá sem þekkja ekki Garten gengur hún undir nafninu The Barefoot Contessa – eða berfætta greifynjan og þannig hefur hún eldað sig í gegnum lífið og vakið aðdáun hvar sem hún fer.
Nú er hún að selja íbúð sína í New York og er söluverðið rétt rúmar 200 milljónir sem er bara eins og sæmileg hæð í Skuggahverfinu. Eldhúsið er að sjálfsögðu til háborinnar fyrirmyndar og næsta ljóst er að einhverja klæjar verulega að fá að standa í sporum greifynjunnar og elda í eldhúsinu hennar.
Hér er hægt að skoða eignina nánar.