Hönnunarhúsið Stelton kynnir milda og fágaða línu fyrir sumarið. Á hverju ári kynnir Stelton nýja liti og fyrir sumarið 2017 varð létt yfirbragð, innblásið af skandinavískum kvöldstundum við hafið, fyrir valinu. Við hér á matarvefnum erum grenjandi kát með mínímalískan stílinn og litavalið svo ekki sé minnt á kokteilsettið. Sumarlínan er lent í Epal og væntanleg á fleiri staði innan skamms.
Línan er hluti af 50 ára afmælisútgáfu danska hönnunargoðsins Arne Jacobsen sem hannaði hina klassísku línu Cylinda fyrir Stelton. Þessi heimsþekkta lína af borðbúnaði byrjaði sem pennastrik á servéttu í fjölskyldumatarboði. Nú 50 árum seinna er línan ein sú vinsælasta í heimi.