Kjúklingalasagna í pönnu

• 12-15 lasagnablöð, brotin niður og soðin uns þau eru mjúk.
• 1 tilbúinn kjúklingur sem þið rífið niður í höndunum
• 450 g ricotta-ostur
• 1/3 bolli fersk rifin steinselja
• 1 tsk. rifinn sítrónubörkur
• 750 ml marinara-sósa
• 3-4 bollar af rifnum mozzarella-osti
• salt og pipar
• auka steinselja og parmesan-ostur til að skreyta

Aðferð:

1. Hitið ofninn í 180 gráður.
2. Hrærið saman í skál söxuðu steinseljunni, ricotta-ostinum og sítrónuberkinum, ásamt góðri slettu af salti og pipar.
3. Setjið um 2/3 hlutanna af marinara-sósunni í stóra steypujárns-pönnu (eða steypujárns-pott). Leggið soðnu lasagna-bitana yfir sósuna. Setjið um það bil bolla af kjúklingnum yfir lasagnað og því næst fimm góðar skeiðar af ricotta-ostblöndunni. Setjið því næst mozzarella-ost. Næst skal setja marinara-sósu, lasagna-blöð og haldið áfram. Saltið reglulega.
4. Haldið þessu áfram þar til allt er komið í pönnuna og setjið að síðustu lasagnabita efst, því næst afganginn af sósunni og loks góðan slatta af rifnum osti.
5. Bakið í ofni í 30 mínútur en ekki hafa lokið á. Á síðustu mínútunum skal kveikja á grillinu til að brúna ostinn. Fylgist vel með því ferli.
6. Látið lasagnað hvíla í 10 mínútur og skreytið því næst með afgangssteinseljunni og parmesan-ostinum.
7. Njótið vel!