Eggjaský eru nýjasta morgunverðaræðið

Eggjaský eru það vinsælasta á morgunverðarborðum víða um heim samkvæmt samfélagsmiðlum. En hvað eru eggjaský? 

Hér er verið að taka steikt egg upp á næsta stig með því að aðskilja hvítuna og rauðuna. 
Eggjahvítan er svo stífþeytt uns úr verður froða. Þá er bætt við kryddi, beikoni, osti eða söxuðu grænmeti svo sem vorlauk. Því næst er froðan sett á bökunarpappír líkt og sjá má í myndbandinu hér að neðan og bökuð uns hún tekur að gyllast. Þá er rauðunni bætt við og bakað lengur eftir því hvort fólk vill hana mikið eða lítið bakaða. Þarna er ekki verið að nota neina olíu svo eldunaraðferðin er ákaflega  holl og fitulítil. Áferðin á léttu eggjaskýinu ku vera það sem tryllir fólk og eykur morgunhamingjuna! 

• Blogga um frétt