Berglind Hreiðarsdóttir á gotter.is er í bökunarstuði. „Á dögunum prófaði ég nýja útfærslu af brownies þar sem ég setti karamellusúkkulaðið Center á milli deiglaga fyrir bakstur og ég ætla ekki að segja ykkur hvað hún var góð þessi. Síðan þeytti ég rjóma með Nesquick-kakói og fór sá súkkulaðirjómi einstaklega vel með bitunum.“
Center-karamellu-brownies
- 225 gr. smjör við stofuhita
- 260 gr. sykur
- 3 egg
- 3 tsk. vanilludropar
- 270 gr. suðusúkkulaði (brætt)
- ½ tsk. salt
- 2 msk. bökunarkakó
- 160 gr. hveiti
- 3 msk. volgt vatn
- 3 x Center (3 x 78 gr.) skorin til helminga
Hitið ofninn í 175°C.
- Klæðið skúffukökuform ( ca 30 x 40 cm) með bökunarpappír og geymið.
- Skerið Center-súkkulaðið til helminga og geymið.
- Þeytið saman sykur og smjör.
- Bætið eggjum saman við einu í einu og skafið niður á milli, því næst vanilludropunum og bræddu súkkulaðinu.
- Þurrefnin koma þar á eftir og volgt vatnið.
- Setjið ½ af deiginu í formið, stráið Center á milli og setjið svo restina af deiginu þar yfir.
- Bakið í um 35-40 mínútur eða þar til prjónn kemur út með smá kökumylsnu á (ekki blautu deigi).
- Kælið vel, lyftið upp úr forminu og skerið í bita.
- Berið fram með þeyttum súkkulaðirjóma.
Súkkulaðirjómi
- 400 ml rjómi
- 2 tsk. Nesquick-kakó
Þeytt saman og borið fram með kökunni.
mbl.is/http://www.gotteri.is