Myndin sýnir skjáskot af heimasíðu ELKO með sólahrings millibili, fyrir og eftir Costco.
Matarvefurinn hafði samband Braga Þór Antoníusson sem segir að þrátt fyrir lágt vöruverð í Costco séu þeir enn með lægra verð á ýmsum vörum. „Við erum búnir að kynna okkur allt vöruúrvalið í Costco á Íslandi og áttum von á því að þeir kæmu inn með nokkrar vöru á stórlega lægra verði en af þeim 15.000 vörunúmerum sem ELKO býður upp á sáum við að þetta er eina varan sem þeir eru með á verulega lægri verði en við,“ segir Bragi en þar með er ekki öll sagan sögð.
„ Í mörgum tilfellum erum við með lægri verð en Costco þrátt fyrir að vera með margfalt meiri þjónustu og úrval. Öll raftæki lækka í verði eftir því sem líður á líftíma þeirra þannig að það er ekkert óeðlilegt við það að verð hjá okkur lækki reglulega. Við höfum í raun verið að lækka verð á öllum raftækjum samfleytt í tvö ár. Þessi skápur kom síðast inn í febrúar og er á gömlu kostnaðarverði. Við bíðum eftir nýrri sendingu og erum að skoða með birgja möguleika á lægra verði. Það á þó ekki að tefja verðlækkun af okkar hálfu enda var hún framkvæmd strax. ELKO er búið að vera í verðsamkeppni á raftækjamarkaði í 19 ár og það er ekkert að breytast.“