• 2 1/2 dl panko-brauðmylsna
• 2 msk. parmesanostur, fínt rifinn
• 1/2 tsk. hvítlaukskrydd
• 1/2 tsk. paprikukrydd
• 4 msk. ólífuolía
• 2 stór egg
• 450 g brokkólí, skorið í 2-3 sm bita
• 1 1/2 tsk. sjávarsalt
• 4 svínakótilettur, hver á að vega um 250 gr.
• 1/4 tsk. svartur pipar, nýmalaður

Aðferð:

1. Hitið ofninn upp í 200 gráður og setjið plötu eða ofnskúffu í miðjan ofninn. Setjið vírnet sem passar ofan á ofnskúffuna og úðið með þar til gerðum smjörúða eða olíu. Leggið til hliðar.
2. Blandið saman í skál panko, parmesan, hvítlauksdufti og paprikukryddi. Setjið 3 msk. af olíu saman við og hrærið vel. Leggið til hliðar. Setjið eggin í aðra skál og pískið þau vel saman. Leggið til hliðar.
3. Setjið brokkólíið, afganginn af olíunni og 1/2 tsk. af salti í stóra skál og blandið vel saman. Takið plötuna varlega út úr ofninum og setjið brokkólíið varlega á jaðrana.
4. Kryddið kótiletturnar beggja megin með salti og pipar. Dýfið hverri kótilettu fyrst varlega í eggin og hjúpið þau alveg. Síðan skal velta þeim vandlega upp úr panko-blöndunni. Setjið sneiðarnar því næst á ofngrindina.
5. Bakið í 10 mínútur. Snúið kótilettunum og brokkólíinu og bakið uns panko-hjúpurinn er orðinn gullinbrúnn eða í um 10-12 mínútur.