Þetta er maturinn sem mokselst í Costco

Matarvefurinn kíkti í Costco og rýndi í körfur landsmanna og ræddi við afgreiðslufólk og viðskiptavini um hvað væri vinsælast í matvöru. Það vinsælasta er án efa fersku berin en gott úrval er af berjum og seljast kirsuber, bláber, hindber, brómber og jarðber í stórum stíl daglega. Starfsfólkið talar um kirsuberja og bláberjaæði. 

Framandi ostar, kjöt, íslensku kjúklingur í magnpakkningum og ferskt pasta selst þar að auki ákaflega vel. Einn viðskiptavinur sem við ræddum við var að kaupa ferskar kjúklingabringur í frystinn en hún sagði að þær hefðu verið uppseldar daginn áður svo hún kom aftur. Um er að ræða 100% Holta kjúkling sem áður fékkst í Bónus en fæst nú í Costco.

Við mælum með að gera innkaupalista með plássið í frystinum, skápunum og ísskápum að leiðarljósi þar sem margt er selt í ansi tórum pakkningum t.d. eru granatepli seld í kössum og tómatar í dós í 6-pakkningu.

Hér að neðan má sjá myndir af nokkrum matvörum sem eru að „trenda“ (vaxa hratt í vinsældum) um þessar mundir. Verð má sjá á flestum myndum.