Bjórhátíð Maine Beer Box fór fram um helgina og komust færri að en vildu. Hið svokallaða Maine Beer Box er í raun gámur sem búið er að breyta í stærstu bjórdælu heims. Þar gefur að líta úrval 78 bjórtegunda frá örbrugghúsum í Maine-ríki í Bandaríkjunum en það er vinsæll áfangastaður bjóráhugafólks enda mikil og blómleg örbruggmenning þar. Einnig var boðið upp á íslenska bjóra auk þess sem nýir bjórar voru frumsýndir.
Hátíðin tókst vel og uppselt var. Eins og sjá má á þessum myndum var glatt á hjalla og menn greinilega ánægðir með framtakið.