Það eru eflaust ófá gasgrillin sem prýða palla landsmanna óvarin og safna ryði. Oftar en ekki lýkur ævi þeirra allt of fljótt á haugunum en eru lúin gasgrill svo gott sem ónýt?
Hildur Gyða Ríkharðsdóttir átti eitt slíkt grill en ákvað að taka það í gegn. Hún notaði Skrubstone sem fæst í Bónus og verður ekki annað sagt en að árangurinn sé undraverður.
Þetta eru sannarlega gleðitíðindi fyrir eigendur lúinna grilla... þeim þarf ekki lengur að henda heldur geta þau öðlast eilíft líf.