Gerir ótrúlegar kökur

Hin þýska Juliana er með þeim flinkari sem við höfum rekist á. Hún er bakari sem sérhæfir sig í vegan-hráfæði. Það hljómar kannski ekkert sérlega spennandi í eyrum margra sem tengja kökur við eitthvað allt annað en vegan-hráfæði (hér gætir engra fordóma) en Juliana hefur tekið kökurnar sínar upp á næsta stig og gott betur.

Skreytingar hennar á kökunum vekja verðskuldaða athygli enda er um hreinræktuð listaverk að ræða. Allt sem fer á kökurnar er ætt þannig að enginn ætti að verða fyrir vonbrigðum og inn á heimasíðunni hennar (sem er reyndar á þýsku) er hægt að fá fullt af uppskriftum.

En fallegar eru þær eða eiginlega bara stórkostlegar.

Heimasíðu Juliönu er hægt að nálgast hér og Instagram-síðuna hér.