Matur | mbl | 3.8.2017 | 17:32 | Uppfært 19:35

Heitt kartöflusalat með stökku beikoni

Albert Eiríksson er snillingur í eldhúsinu. Ófeigur Lýðsson/mbl.is

Þó grillaðar kartöflur séu ágætar með grillmatnum þá fer alltaf þónokkur tími í að steikja þær á grillinu. Það amk mín reynsla að þær taka alltaf mun lengri tíma en ég bjóst við. Svo er fínt að fá smá tilbreytingu í meðlæti með grillmatnum. Að blanda saman beikoni, hunangi og Dijonsinnepi er himneskt. Þetta kartöflusalat er gjörsamlega smellpassar með grillinu og um að gera að nýta nýuppteknar íslenskar kartöflur - þær eru bestar

Heitt kartöflusalat með stökku beikoni

750 g kartöflur
2 msk olía
4 beikonsneiðar

Dressing

1/4 b steinselja, söxuð
2 hvítlauksgeirar, saxaðir smátt
1 msk hunang
1 tsk Dijon sinnep
2-3 msk edik
3 msk olía
salt og pipar

Aðferð:

Skerið kartöflurnar í bita og setjið þær í form, hellið olíunni yfir. Steikið beikonið á pönnu, takið það til hliðar og skerið í bita. Hellið fitunni af pönnunni yfir kartöflurnar. Bakið þær í um 30 mín. við 175°C. Það er ágætt að hræra í þeim einu sinni eða tvisvar.

Dressing:

Setjið steinselju, hvítlauk, hunang, sinnep, edik, salt og pipar í krukku, lok á og hristið vel saman.

Þegar kartöflnar eru bakaðar og orðnar aðeins brúnar eru þær teknar út ofninum, dressingunni hellt yfir og beikoninu blandað saman við. Borðið fram heitt.