Fyrrum ritstjóri Gestgjafans fagnar lambahakki

Sigríður Björk Bragadóttir fyrrum ritstjóri Gestgjafans og eigandi Salt eldhús er ákaflega sátt við kjötframboðið í Costco. Í færslu sem hún ritar á facebook segist hún ítrekað hafa reynt að nálgast lambahakk í verslunum án árangurs en nú loks sé það að finna í Costco. 

Bent er á í athugasemdum að lambahakk hafi verið hægt að versla í sérvöruverslunum líkt og Frú Laugu og Matarbúrinu Granda en Costco sé vissulega fyrsta stórverslunin sem bjóði upp á afurðina.

Læknirinn í eldhúsinu Ragnar Freyr Ingvason tekur í sama streng í athugasemd við færsluna. „Sammála þér - það þarf að endurhugsa hvernig lambið er skorið og selt til viðskiptavina.“

Ebba Guðný Guðmundsdóttir matgæðingur og sjónvarpstjarna er á sama máli.„ Ég hef fengið lífrænt lambahakk í Frú Laugu en annars er ég alveg sammála!“

Þekktir matgæðingar hampa kjötframboði Costco á facebook síðu Sigríðar. mbl.is/Kristinn Magnússon

• Blogga um frétt