Blessað kaffið er ýmis lofað í hástert eða því bölvað út í eitt. Burtséð frá heilsufarslegum kostum og ókostum þessa að innbyrða það virðist kaffiskrúbbur gera kroppnum mjög gott en við á Matarvefnum gerum reglulega skrúbb úr kaffikorg sem fellur til. Við erum ekki frá því að appelsínuhúðin sé bara að rýrna (já ég er með appelsínuhúð) enda er skrúbburinn grófur og ku ýta undir blóðflæði þar sem honum er nuddað. Alla vega hafa lærin á okkur vinkonunum sem gerðum skrúbbinn sjaldan verið eins hress!
Mælt er með að nota skrúbbinn á rass og læri en ekki á viðkvæma húð.