Matur | mbl | 27.8.2017 | 5:09

Möndlusmjörkúlur sem kæta kroppinn

Þessar eru sko algjört nammi! mbl.is/TM

Þessar kúlur eru alveg hreint frábærlega góðar og orkumiklar. Henta vel til að eiga í frystinum og bjóða með kaffinu, sem nasl í gönguferð eða handa litlum fingrum.

2 bollar ferskar döðlur
3 msk. kókos- eða avókadóolía
1 tsk. vanilludropar eða duft
½ tsk. salt
3 msk. ósætt gott kakó
3 msk. möndlusmjör
2 bolli gróft haframjöl
½ bolli kókosmjól
Kókosmjöl til skreytingar

Maukið döðlur í blandara/matvinnsluvél ásamt olíunni, möndlusmjörinu og vanillunni. Þegar það hefur blandast vel fer kakóið og saltið saman við.
Bætið haframjöli saman við og hnoðið saman í höndunum.
Blandan er frekar blaut í sér svo kælið hana í um klukkustund áður en kúlurnar eru mótaðar. Ef hún er of þurr má bæta aðeins af olíu við.
Mótið litlar kúlur og rúllið upp úr kókosmjöli og kælið.