Nýjar fallegar kartöflur fylla nú verslanir og fanga augað og fylla kollinn af draumum um guðdómlega kartöflurétti. Búrinn setur svo punktinn yfir i-ið með rjómakenndri ostaáferð. Þarf að segja meira?
200 g nýjar kartöflur
200 g blómkál
80 g Búri (ostur)
1 dl matreiðslurjómi
2 hvítlauksrif, söxuð
1/2 tsk. salt
1/3 tsk. pipar
Ferskt krydd eftir smekk svo sem rósmarín eða garðarblóðberg (timijan)
Skolið kartöflurnar og skerið í 2 eða 4 parta eftir stærð.
Setjið í eldfast mót ásamt 2 msk. af olíu, hvítlauknum auk salts, pipars og kryddsins.
Bakið á grilli við 190 gráður í ofninum í 45 mínútur.
Bætið þá blómkálinu við. Hrærið í mótinu, hellið rjóma út í og rifnum osti yfir.
Bakið í aðrar 15 mín. eða þar til kartöflurnar eru orðnar mjúkar í gegn en leitist við að hafa blómkálið stökkt.