Klúbbur matreiðslumeistara velur Kokk ársins 2017 í kvöld en keppnin stendur sem hæst í Hörpu og lýkur kl 22.00, þar sem keppendur elda 3ja rétta matseðil í IKEA eldhúsum með hráefni frá Nettó.
„Fjölmargir gestir hafa fylgjast með keppninni í allan dag. Gestir sem tryggðu sér miða á sérstakan Kokkalandsliðs kvöldverð samhliða keppninni fá að fylgjast með síðustu réttunum sem koma úr eldhúsum keppenda," segir í tilkynningu frá Klúbbi Matreiðslumeistara.
Gummi Ben heldur uppi keppnisstemningu og Eyþór Ingi og landsliðið spila í takt. „Um val sigurvegarans sér fjölskipuð 11 manna dómnefnd sem fylgir eftir vinnubrögðum keppenda í þaula og smakkar allan matinn. Yfirdómari er Krister Dahl frá Svíþjóð. Þórdís Kolbrún Reykfjörð Gylfadóttir ráðherra ferðamála, iðnaðar og nýsköpunar mun síðan krýna Kokk ársins 2017 í lok kvölds,“ segir í tilkynningunni en margir hafa lagt leið sína í Hörpu í dag til að fylgjast með girnilegum gjörningi matreiðslumananna.
Keppendur sem keppa um titilinn Kokkur ársins 2017.