Hnífaseglar eru mikið þarfaþing í eldhúsinu. Kokkar eru sérlega hrifnir af þeim enda geymast hnífarnir vel þar og minni hætta er á að einhver skeri sig á þeim en þegar þeir eru geymdir í skúffum. Á það sérstaklega við um litla fingur sem eiga það til að gá ekki að sér.
Í verslunum á borð við IKEA er hægt að fá hnífasegla til að festa upp á vegg og hægt er að gera ýmislegt til að bæta útlit þeirra. Til dæmis er hægt að kaupa marmaraplastfilmu í flestum byggingarvörurverslunum og klæða segulinn sem gjörbreytir útliti hans.
Svo er líka hægt að nota hnífasegulinn fyrir eitthvað allt annað eins og eftirfarandi myndir sýna.
Hér er hreinlega allt sett á segulinn, allt frá hnífum upp í tangir, pískara og bollamál.
mbl.is/Pintrest
Hér er segullinn notaður fyrir aukahlutina í matvinnsluvélina og festur inn á skápinn sem er sérlega hugvitsamlegt.
mbl.is/Pintrest
Hérna eru bæði hnífar og áhöld geymd á seglinum.
mbl.is/Pinterest
Hér eru pottlokin komin á segulinn sem er líka mjög snjallt en til þess þarf segullinn að vera almennilegur.
mbl.is/Pinterest
Hér er búið að festa segulinn á skápahliðina og festa snaga á fyrir alls kyns dót.
mbl.is/Pinterest
Hér er búið að setja tvo segla saman en þeir eru með viðaráferð sem er sérlega huggulegt.
mbl.is/Pinterest
Hér eru seglarnir notaðir í bílskúrnum og nýtast vel. Takið eftir Campell-súpudósunum sem nýttar eru undir litla pensla og blýanta.
mbl.is/Pinterest
Hér er búið að festa segulinn undir eldhússkápinn og kryddkrukkurnar eru með járnloki sem festist við.
mbl.is/Pinterest
Snjallt er að geyma skæri á segli.
mbl.is/Pinterest
Þessi skúffa fékk að fylgja með því hún er svo sniðug. Þessi útfærsla er keppnis.
mbl.is/Pinterest