Matur | Eldhús | mbl | 4.10.2017 | 19:37

Óskalistinn okkar

Þetta kaffisett er sérlega lekkert og myndi sóma sér vel á flestum heimilum. Fæst í Lumex. mbl.is/Tom Dixon

Það er svo óskaplega margt fallegt til að við urðum að taka saman lista yfir það allra fallegasta sem fyrir augu okkar hefur borið undanfarnar vikur. Listinn gæti verið helmingi lengri en við sýnum stillingu og látum þetta duga í bili.

Þessi litur er sérleg viðhafnarútgáfa en ekki er útséð hvort hann verður fáanlegur í Skandinavíu. Hann heitir Berry og fær aðdáendur bleika litarins til að skæla. mbl.is

Þessi hnífapör fást í Søstrene Grene en hægt er að fá sambærileg hnífapör ansi víða. mbl.is

Við fengum pínu fyrir hjartað þegar við sáum þetta sett. Þar sem gull er í sérlegu uppáhaldi finnst okkur þetta sjúklega lekkert svo ekki sé fastar að orði kveðið. Fæst í Lumex. mbl.is/Tom Dixon

Svart matt steypujárn er svo rosalega rustic og flott að við höldum hreinlega ekki vatni. mbl.is

Hér gefur að líta enn meira svart matt steypujárn því við fáum hreinlega ekki nóg af því. mbl.is

Þessi glös eru vandræðalega flott! Við ætlum eiginlega ekki að hafa fleiri orð um það. Fást í Lumex. mbl.is/Tom Dixon

Royal Copenhagen stendur alltaf fyrir sínu og nú er hægt að fá mynstrið svart sem er alveg hreint stórkostlegt. Fæst í Kúnígúnd og kostar 14.590 krónur. mbl.is

Þessi bakki er ómótstæðilegur. Hann fæst í Guðjóni Bergmann og Álfagulli og kostar 10.900 krónur. Kristinn Magnússon

Þessar florláta mæliskeiðar eru úr brassi og fást í Hrími og kosta 9.900 krónur. mbl.is

Svört hnífapör eru það allra heitasta í dag og fást víða. Þessi eru úr Søstrene Grene. mbl.is

Þessi ostaskeri er sérdeilis lekker og okkur dauðlangar í einn slíkan. Hann er frá Bloomingville og fæst í Hrími. Kostar 9.900 krónur. mbl.is

Þessar skálar eru frá Normann Copenhagen og eru úr hinni forkunnarfögru Krenit-línu. Skálarnar er hægt að fá með alls konar litum að innan en nú voru að bætast við gull- og silfurinnvols sem okkur finnst geggjað. Fæst í Epal og kostar á bilinu 2.950-29.500 krónur. mbl.is