Þar sem við fylgjumst vel með á samfélagsmiðlum fór það ekki fram hjá okkur að Victoria Beckham deildi morgunverði fjölskyldunnar með alheiminum um helgina og þar kennir ýmissa grasa.
Það kom kannski ekki á óvart að máltíðin væri vel úthugsuð og afbragðsholl enda er Victoria þekkt fyrir járnaga og gott skipulag, auk þess sem hún borðar helst bara hollan mat.
Í ljóst kemur að grænn djús er vinsæll á heimilinu og drukkinn á hverjum morgni. Í honum er meðal annars spínat, kíví og epli ásamt kókosvatni. Notar hún Nutribullet við að búa til djúsinn en það er afskaplega snjallt tæki og hentar vel í nánast hvað sem er.
Síðan er boðið upp á morgnunkorn með ferskum berjum og að sjálfsögðu er um almennilega hollustu að ræða.
Áður en máltíðin hefst fá allir tvær matskeiðar af ediki á fastandi maga og þannig byrjar dagurinn hjá Beckham-fjölskyldunni.
Sjá frétt mbl.is: Fer tvisvar í ræktina á morgnanna.