Líklega fallegasta hrekkjavökuboð í heimi

Það líður senn að sjálfri hrekkjavöku en persónulega get ég ekki beðið þar sem börnin mín eru búin að tala sleitulaust um þessa merku hátíð frá því öskudagur rann sitt skeið.

Það er því skiljanlega mikil eftirvænting í loftinu og nánast allt þessa dagana hefur eitthvað með hrekkjavökuna að gera. Sjálf ætla ég að vera uppvakningur eftir að hafa ákveðið á ögurstundu að trúðurinn úr IT myndi væntanlega valda börnunum í hverfinu varanlegum skaða og ólæknanlegri coulrophobia (trúðafælni).

Möguleikarnir tengdir þessari hátíð eru ótalmargir og þar sem kosið verður um helgina má slá því föstu að það verði mikil stemning um komandi helgi. Því máttum við til með að deila myndum af þessu matarboði til að dást að. Smáatriðin hér eru ótrúleg og ég er sérlega skotin í litlu graskerjunum sem eru á matardiskunum.

Það er Justina Blakeney á Jungalow sem á heiðurinn af herlegheitunum en ef þessar myndir veita ekki innblástur þá veit ég ekki hvað.