Matgæðingar hafa ýmsar spurningar og einn er sá staður þar sem oftast má finna svör. Það er Fésbókarhópurinn Matartips! sem við mælum með að þessu sinni enda virðist enginn skortur á svörum þar inni. Algegnt er að fólk sé að leita sér ráða, fá meðmæli með veitingastöðum eða hreinlega fá álit annarra á mat sem er keyptur út í bæ eða eldaður heima.
Það er til dæmis algengt að fólk myndi mat sem það kaupir á veitingastöðum og er ekki ánægt með. Þannig fékk brie-loka falleinkun um helgina þar sem hún þótti innihalda skammarlega lítið af brie-osti og steik sem átti að vera medium-rare var bara hrá að mati aðspurðra.
Fyrir mataráhugafólk er þetta hvalreki og í dag telja meðlimir hópsins yfir 26 þúsund manns.
Hópinn er hægt að hálgast hér.