Svínakjöt með spergli og rauðri berjasósu

Hráefni

» 600-800 g beinlaust svínakjöt (snitzel eða innralæri)

» 1/2 stk. blaðlaukur

» 16 stk. ferskur spergill, grænn

» 3-5 msk. matarolía

» salt og pipar

» Rauð berjasósa

» 100 g jarðarber

» 50 g rifsber

» 1 dl rauðvínsedik

» 2 msk. Worcestershiresósa

» 1 msk. púðursykur

» 2 dl olía

» 1 dl kjúklingasoð

» Meðlæti

» gróft brauð

Fyrir 4

Aðferð

Skerið kjötið í strimla, snöggsteikið á heitri pönnu í 2 mínútur, kryddið með salti og pipar. Sjóðið spergilinn í léttsöltu vatni í 3 mínútur (sjá verkun á spergli í þessari uppskrift). Hreinsið blaðlaukinn og skerið í strimla. Bætið spergli og blaðlauk á pönnuna, steikið í 1-2 mín. til viðbótar. Berið fram með rauðu berjasósunni (kaldri) og fersku salati.

Allt sett í matvinnsluvélina og maukað. Hellt í kringum réttinn.

Gott er að bera gróft brauð fram með þessum rétti.