Grillað fiski og skelfisksspjót

Hráefni

» 400 g skötuselur, roðflettur og beinhreinsaður

» 200 g humar ,skelfléttur og hreinsaður

» 200 g tígrisrækjur, skelfléttar og hreinsaðar

» 1 stk paprika

» 1 msk hvítlauksmauk

» 1/2 rauðlaukur

» 2 msk ólívuolía

» 1 tsk ferskt timian, saxað

» salt og pipar

» sítrónusafi

» 1 msk sesamfræ

» 1 msk soyasósa

» 1msk sæt chilisósa

Fyrir 4 - 6 | skoða myndskeið

Þetta er skemmtilegt grillspjót sem hægt er að breyta um fiskitegundir að vild, enn það er ekki gott að nota fiska einsog þorsk, ýsu eða karfa , þeir eiga það til að hrynja í sundur við grillun.

Aðferð

Skerið skötuselinn í bita og setjið í skál ásamt humrinum og rækjunum og blandið saman með hvítlauknum, timianinu,sítrónusafanum, olíunni,soyasósunni,chilisósunni,sesamfræunum og salti og pipar.Skerið paprikuna og laukinn niður í bita og síðan er öllu skipt á milli manna og þrætt uppá spjót sem er búið að láta liggja í vatni í 2 klst. Þá er spjótið grillað á mjög heitu grilli í ca 4 mín á hvorri hlið eða þar til eldað að eigin smekk.