Kjúklingur með ólívubasilsósu
Þetta er spennandi réttur þar bragðsamsetningin er samspil á milli sætu og seltu og útkoman ótrúlega góð.
1 kjúklingur, bútaður niður í átta bita
4 sætar kartöflur
ólívuolía
salt og pipar
Flysjið sætu kartöflurnar og skerið niður í ca. 2 sm teninga. Setjið teningana í ofnfast fat og veltið þeim upp úr ólívuolíu.
Brúnið kjúklingabitana í olíu á pönnu og setjið síðan ofan á kartöfluteningana. Eldið í 200 gráðu heitum ofni í 20 mínútur. Takið þá fatið út, snúið kjúklingabitunum við og eldið áfram í aðrar 20 mínútur.
Á meðan undirbúum við sósuna með því að setja eftirfarandi í matvinnsluvél:
1 dós af steinlausum, grænum ólívum
2 dl hvítvín
2 msk akasíu-hunang
1 pakki fersk basillauf
6-8 hvítlauksgeirar
2 sítrónur, rífið niður börkinn og pressið safann
4 msk sojasósa.
Maukið þetta allt vel saman í matvinnsluvélinni.
Þegar búið er að elda kjúklinginn og sætu kartöflurnar í samtals 40 mínútur takið þið fatið úr, hellið sósunni yfir og eldið áfram í 10-15 mínútur.
Gott hvítvín frá Nýjaheiminum, t.d. hið nýsjálenska St. Clair Vicar's Choice Sauvignon Blanc.
Þetta hvítvín kemur frá svæðinu Curico í Chile sem teygir sig þvert yfir landið frá Kyrrahafinu austur að Andesfjöllum. Loftslagið er Miðjarðarhafslegt og því ekki skrýtið að þetta sé með helstu vínræktarsvæðum Chile.
