Bava Malvasia di Castelnuovo don Bosco
Þetta dökkbleika og léttfreyðandi vín kemur frá Asti á Norður-Ítalíu og er framleitt úr þrúgunni Malvasia.
Bava Malvasia di Castelnuovo don Bosco er bjart í nefi með ljúfri og sætri blóma- og berjaangan. Þarna eru greinileg jarðaber og hindber en sömuleiðis fersk og sæt kirsuber. Þessi berjakokkteill heldur áfram í munni með mildri sætu sem verður aldrei það mikið að vínið verði væmið. Það freyðir mjúkt og þægilega, vínið nett og kvenlegt.
Þetta freyðivín hentar vel sem fordrykkur og þá t.d. með súkkulaðitoppuðum jarðarberjum eða þá sem eftirréttarvín með berjum og rjóma eða ávaxtakökum eða ostakökum.
1.999 krónur
Vínin frá Montes í Chile hafa löngum notið mikilla vinsælda hér á landi enda er hér á ferðinni eitt vandaðasta vínhús landsins. Skemmst er að minnast að Carmenere-vínið Purple Angel frá Montes var valið vín ársins 2009 hér ...
