Áskriftarskilmálar Árvakurs.

Skilmálar þessir gilda fyrir áskrift að Morgunblaðinu.

Uppsagnarfrestur ótímabundinna áskriftarsamninga er einn mánuður og uppsögn skal miðast við mánaðamót. Tímabundnir áskriftarsamningar skulu vera óuppsegjanlegir á samningstímanum. Áskrift er bindandi þar til henni er sagt upp með símtali, tölvupósti, skriflega eða á annan sannanlegan hátt á skrifstofu félagsins. Stöðvi áskrifandi áskrift tímabundið eða hættir til lengri tíma áskilur Morgunblaðið sér rétt til að eiga í markaðssamskiptum við viðkomandi í gegnum síma, markpóst eða tölvupóst, í samræmi við ákvæði persónuverndarlaga nr. 77/2000 og fjarskiptalaga nr. 81/2003.

Áskriftargjald hvers mánaðar er greitt eftir á samkvæmt þeim gjaldskrár- og uppgjörsreglum sem eru í gildi á hverjum tíma hjá Árvakri. Gjalddagi áskriftargjalds er 1. dagur næsta mánaðar og eindagi 15 dögum síðar. Hafi áskrift ekki verið greidd mánuði eftir útgáfu reiknings stöðvast áskrift sjálfkrafa allt þar til áskriftarskuld er að fullu greidd. Ef áskrifandi greiðir ekki skuld á gjalddaga áskilur Árvakur sér rétt til að setja skuldina í innheimtu án frekari fyrirvara með tilheyrandi kostnaði.

Árvakur áskilur sér rétt til verðbreytinga á áskriftargjaldi Morgunblaðsins án fyrirvara, en þó þannig að verðbreyting verði tilkynnt með auglýsingu eða frétt í Morgunblaðinu.

Áskrifanda og öðrum þeim sem nýta sér áskrift hans að Morgunblaðinu er óheimilt að nýta efni úr blaðinu nema til einkanota. Öll afritun, fjölritun og endurbirting er óheimil í hvaða formi sem er.

Áskrifanda ber að tilkynna til áskriftardeildar Árvakurs allar breytingar á áskriftarupplýsingum er hann varða, s.s. heimilisfangi, aðgengi eða öðrum upplýsingum sem mikilvægar eru til að blaðið berist með reglulegum hætti.

Kjósi áskrifandi sem greiðir áskriftargjaldið reglulega með greiðslukorti eða beingreiðslu að gera breytingar á greiðslufyrirkomulagi ber honum að tilkynna slíkar breytingar til Árvakurs eigi síðar en 13. dag úttektarmánaðar.

Kjósi áskrifandi sem greiðir áskriftargjaldið reglulega með greiðslukorti eða beingreiðslu að gera breytingar á áskrift, hvort heldur er varðandi samsetningu áskriftar sem greitt er fyrir eða greiðslumáta áskriftargjaldsins, ber honum að tilkynna slíkar breytingar til Árvakurs. Tilkynning skal berast eigi síðar en 13. dag næsta mánaðar á undan þeim mánuði sem breytingunum er ætlað að taka gildi.

Morgunblaðinu er dreift til áskrifanda samkvæmt beiðni hans og til móttöku á þann stað sem hann óskar eftir (póstkassa, í tölvupósti eða annan stað ). Engin ábyrgð er tekin á stuldi á blaði eftir afhendingu.

Morgunblaðinu er dreift til áskrifenda eigi síðar en klukkan sjö að morgni, þar sem samgöngur leyfa, alla útgáfudaga nema sunnudaga, en sunnudagsblaðinu er dreift síðla laugardags. Bregðist afhending blaðs til áskrifanda af einhverjum ástæðum er blaðinu dreift eins fljótt og auðið er.

Árvakur áskilur sér rétt til þess að breyta áskriftarskilmálum þessum. Breytingar skulu kynntar áskrifendum með að minnsta kosti eins mánaðar fyrirvara á heimasíðu félagsins sem nú er á netslóðinni www.mbl.is. Kynnt skal í hverju breytingarnar felast og réttur áskrifanda til þess að segja samningi upp án frekari fyrirvara vegna breytinganna.

Brjóti áskrifandi gegn áskriftarskilmálum þessum er Árvakri heimilt, án fyrirvara, að stöðva dreifingu Morgunblaðsins til hans og krefjast greiðslu skaðabóta skv. almennum reglum íslensks skaðabótaréttar.

Það skal ekki teljast vanefnd Árvakurs á áskriftarskilmálum ef fyrirtækinu er ókleift að efna skuldbindingar sínar vegna óviðráðanlegra ytri aðstæðna, "Force Majeure", er varða t.d. dreifingu blaðsins, prentun, pappír eða verkföll starfsmanna.

Áskriftarskilmálar þessir gilda frá 1. október 2008.

Ágreiningsmál vegna þessara skilmála skal reka fyrir Héraðsdómi Reykjavíkur.