Senda inn efni
Sami Hyypia varnarmaður Liverpool reynir að stöðva Jeremie Aliadiere. Reuters
Chelsea í 2. sætið - Liverpool tapaði - Baulað á leikmenn Arsenal
Bloggað um fréttina
-
Hilmar Dúi Björgvinssonsáttur með stigið
-
Hallgrímur GuðmundssonÞað er bara fullorðins að halda með Liverpool
-
Hafsteinn Viðar ÁsgeirssonHalli, Halli, Halli minn!!!
-
Þórarinn M FriðgeirssonGlæsisigur Middlesboro á besta liði Evrópu. Bæbæ…
-
Haraldur HaraldssonBaulað á leikmenn Arsenal !!!!!!
-
DunniGareth Southgate jarðaði Rafael Benitez
-
Ragnar MartensBesta lið evrópu?
-
Ólafur GíslasonDómaraskandall!!
-
Magnús Geir Guðmundsson"Punktering"!
Chelsea er komið upp í annað sætið í ensku úrvalsdeildinni eftir 2:1 sigur á Wigan í dag. Liverpool tapaði fyrir Middlesbrough á Riverside, 2:0, og Arsenal varð að láta sér lynda markalaust jafntefli gegn Fulham á heimavelli.
Eftir frábæran sigur gegn Real Madrid á Santiago Bernabeu í Meistaradeildinni í vikunni varð Liverpool að sætta sig við 2:0 tap gegn Middlesbrough og þar með fuku væntanlega titilvonir liðsins út í veður og vind. Fyrra markið var sjálfsmark frá Xabi Alonso og Tuncay innsiglaði frábæran sigur Middlesbrough og fyrsta deildarsigurinn í 15 leikjum.
Liverpool hefur gengið illa á Riverside en liðið hefur ekki fagnað sigri á þeim velli síðan árið 2002. Steven Gerrard var í 300. sinn í byrjunarliði en fyrirliðinn fór af velli með krampa í fæti stundarfjórðungi fyrir leikslok.
Frank Lampard var enn einn ganginn hetja Chelsea þegar liðið sigraði Wigan, 2:1, á Stamford Bridge. Lampard skoraði sigurmarkið með skalla af stuttu færi undir lok leiksins og tyggði sínum mönnum stigin þrjú og annað sætið í deildinni. John Terry skoraði fyrra mark Chelsea með glæsilegu skoti en Oliver Kapo jafnaði metin fyrir Wigan tíu mínútum fyrir leikslok.
Markalaust jafntefli varð niðurstaðan í leik Arsenal og Fulham á Emirates Stadium og bauluðu stuðningsmenn Arsenal á leikmenn liðsins þegar þeir gengu af leikvelli. Þetta var fjórða markalausa jafnteflið hjá Arsenal í röð og liðið er í fimmta sæti, fimm stigum á eftir Aston Villa sem á leik til góða.
Middlesbrough - Liverpool bein lýsing
Til baka