Senda inn efni
Yossi Benayoun fagnar marki sínu í kvöld. Reuters
Benayoun: Mikill léttir
Bloggað um fréttina
-
Björn Jóhann BjörnssonEkki búið fyrr en það er búið...
-
Guðrún Una JónsdóttirWalk on.......
-
DunniBenayoun er Brilliant
-
FrelsissonVonandi er Benayoun að kveða niður gagnrýnisraddir…
Yossi Benayoun, ísraelski miðjumaðurinn hjá Liverpool, sagði að það hefði verið mikill léttir eftir slæmt gengi að undanförnu að ná að knýja fram sigur á Sunderland, 2:0, í ensku úrvalsdeildinni í knattspyrnu í kvöld.
Benayoun skoraði síðara markið en hann gerði sigurmark Liverpool gegn Real Madrid í síðustu viku, í Meistaradeild Evrópu. Lið hans tapaði hinsvegar óvænt fyrir Middlesbrough á laugardaginn, 2:0.
„Ég er ánægður með markið en það sem mestu máli skiptir er að fá stigin þrjú," sagði Benayoun við Sky Sports. Með sigrinum er Liverpool aðeins fjórum stigum á eftir Manchester United, sem hinsvegar á tvo leiki til góða.
„Eftir tapið gegn Middlesbrough var nauðsynlegt að komast aftur á sigurbraut og nú höfum við svigrúm til að huga að seinni leiknum gegn Real Madrid. Vonbrigðin voru mikil í Middlesbrough en við unnum okkar verk í kvöld. Það var gífurlega mikilvægt fyrir okkur alla að sýna stuðningsmönnum okkar að við munum leggja okkur allra fram, jafnvel þó það nægi bara til þess að enda í öðru sæti," sagði Benayoun.
Til baka