Breska karlatímaritið Maxim skipar leikkonuna Evu Longoriua í fyrsta sæti á lista yfir kynþokkafyllstu kvenmenn í heiminum í dag. Það voru lesendur blaðsins sem völdu Evu, sem slegið hefur í gegn sem ein af Aðþrengdu eiginkonunum, úr fögrum hópi kvenna.
Samkvæmt umfjöllun vefútgáfu Sky er þetta afrek miðað við að leikkonan var óþekkt fyrir ári. Eftir að hún hóf leik sinn í hlutverki frú Solis í sjónvarpsþáttunum Aðþrengdar eiginkonur hefur frægðarsól hennar hins vegar risið í hæstu hæðir. Hún var í 91. sæti á lista blaðsins fyrir um ári síðan.