Aðþrengda eiginkonan Teri Hatcher segist vera tilbúin til að íhuga að sitja nakin fyrir á myndum í Playboy - svo fremi sem ritstjórarnir séu tilbúnir til að greiða uppsett verð, tíu milljónir dollara. „Það setja allir á sig verðmiða. Á mínum stendur 10 milljónir,“ sagði Hatcher í spjalli við Jay Leno.
Frá þessu greinir Ananova. Tíu milljónir Bandaríkjadollara jafngilda 646,3 milljónum íslenskra króna á gengi dagsins í dag.
Í spjallinu við Leno sagði Hatcher að hún hefði ekki heyrt þá flugufrétt að konurnar úr Aðþrengdum eiginkonum hefðu nú þegar afþakkað tilboð frá tímaritinu. „Ég heyrði ekkert um það tilboð. Ég hefði tekið því!“