Leikarinn Chris Penn, bróðir kvikmyndastjörnunnar Sean Penn, fannst látinn við fjölbýlishús nærri ströndinni í Santa Monica í Kaliforníu síðdegis í gær. Ekki er ljóst hvað olli andláti Penn.
Chris Penn lék í fjölda kvikmynda líkt og bróðir hans og má þar nefna Mulholland Falls, Rumble Fish, All the Right Moves og eflaust er hann einna þekktastur fyrir hlutverk sitt í Reservoir Dogs sem Quentin Tarantino leikstýrði.
Seinast lék Penn í kvikmyndinni The Darwin Awards en hana átti að frumsýna á Sundance kvikmyndahátíðinni í dag.